திகைப்பு அதிகமாகும். கை கால்கள் கடுக்கும். கொஞ்சம் பேசினாலும் மேல் மூச்சு வாங்கும். அடுத்து வருபவர்களிடம் பகைத்துக் கொள்வான். பசி இருக்கிறதென்று கூறமாட்டான். மலம் கழியாது. சுவாசமேற்படும். தலையில் வியர்வையுண்டாகும். இவை கப சுரக்குறிகளாம்.
உடம்பில் ஜ்வரம் உண்டாகும். தடிப்புகள் ஏற்படும். கண்கள் சிவக்கும். நாக்கு வறண்டு போகும். வாய் கறுக்கும். மலச்சிக்கல் உண்டாகும். பாயில் ஒரே இடத்தில் இருக்காமல் இங்குமங்கும் புரளுவான். ஒரு பக்கமாக வலி இருக்கும். பேய் பிடித்தால் எப்படி தவிப்பானோ அப்படி ஆவான். இவை பித்தவாத சிலேத்மக் குறிகளாகும்.
நோயாளி போட்ட இடத்திலேயே கிடப்பான். அறிவிழப்பான். பேச்சு இராது. ஆகாயத்தை நோக்கியப்படி மேல் மூச்சு மெள்ள விடுவான். கண்கள் நாக்கு இவைகள் வீழ்ந்து விடும். தசை தடிக்கும். காலில் குளிர்ச்சி ஏற்படும். இவை சன்னிவாத சுரத்தின் குறிகளாகும்.
உடம்பு நடுக்கும். தலை கனக்கும் முழங்கால் வலியும் ஏற்படும். உடம்பில் முடக்கம் உண்டாகும். நாக்கை அசைக்க இயலாது. குளிர் அதிகமாகும். கூழ் முதலான பதார்த்தங்கள் உட்செல்லாது. எரிச்சல் இருக்கும். அடிக்கடி வியர்க்கும். மேல்மூச்சும், வாந்தியும் ஏற்படும். இவை வாத கபக் குறிகளாகும்.
